22 jul 2010

NUEVA COLABORACIÓN DE LA DIPUTACIÓN CON EL IEV

El martes acudí a la sede del Instituto de Estudios Valdeorreses para entregarle a su Presidente, Aurelio Blanco Trincado, un nuevo compromiso de colaboración entre la Diputación de Ourense y la institución valdeorresa. Así pues, los presupuestos de la Diputación del 2011 contemplarán una subvención nominativa de 30.000€ que irán destinados a sufragar todas las actividades de promoción y difusión cultural que desarrolle el IEV durante todo el año. Esta nueva forma de colaboración supone un justo reconocimiento a una institución única y pionera en toda la provincia, que lleva realizando una impagable labor en favor de la recuperación histórica de la sociedad valdeorresa.

21 jul 2010

O EMBAIXADOR ESPAÑOL EN CHINA VISITA OURENSE


Onte na Deputación recibimos a visita do embaixador de España en China, Carlos Blasco Villa, quen acudíu a Ourense á presentación do DVD realizado con motivo da xira realizada pola Real Banda de Gaitas da Deputación polo país chinés o pasado mes de maio. O Presidente, José Luis Baltar, agradeceu a presencia de Carlos Blasco e destacou a súa sensibilidade, o traballo e as xestións diplomáticas realizadas para que a xira da Real Banda fose un éxito.



19 jul 2010

ROSENDO FERNÁNDEZ NO "XORNAL DE GALICIA"

Deixo neste espazo unha fenomenal entrevista que lle fixeron ao candidato á alcaldía de Ourense polo Partido Popular, Rosendo Fernandez, que foi publicada no Xornal de Galicia.
O deputado Rosendo Fernández, é o candidato do PP ás vindeiras eleccións á alcaldía da cidade de Ourense no 2011. O “alcaldable”, como gusta de definirse, mostrase disposto a aportar a súa experiencia e a “recoller todos os proxectos, inquedanzas e ideas dos veciños” para conformar un programa electoral que responda ás necesidades de todos. En canto ao suposto enfrontamento entre o PP de Feijóo e o de Baltar, Fernández bota balóns fóra. “Só hai un partido”, di.

Despois da elección de Manuel Baltar como presidente provincial do PP e toda a polémica que rodeou o proceso electoral, non cre que xente pode percibir que hai dous partidos populares en Galicia?

Nin moito menos. Como acabamos de saír dun congreso onde houbo dúas forzas que optaron pola presidencia, pois de alí sae o sainete de que hai un PP de Ourense e de que hai un PP de Galicia… Aquí hai un único Partido Popular, que ten unha finalidade clara: que a alcaldía de Ourense sexa popular e que haxa un Goberno municipal forte, coherente e uniforme nas súas apreciacións, e non un Goberno bipartito no que unha metade do Executivo non sabe do que fai a outra metade. En época de crise non se pode consentir que exista unha alcaldía, unha tenencia de alcaldía, dobres logotipos, dobres sedes, dobres gabinetes de prensa... Dobre ineficiencia e dobre custe. Tampouco é serio que estas dúas formacións que configuran o goberno da cidade de Ourense, PSOE e BNG teñan concurrido ás eleccións con programas electorais totalmente distintos dos que logo se esqueceron.


Di que hai un único PP, pero se ben Feijóo sempre fai bandera da austeridade do seu Goberno, a oposición critica constantemente a José Luis Baltar polo suposto “despilfarro e nepotismo” na súa Deputación...

A min gústame que se fale de austeridade, e foi o presidente Feijóo o primeiro que dixo que había que aplicar a austeridade, sendo moi criticado por iso pola oposición. Con respecto á Deputación de Ourense, eu comprendo que a oposición teña que facer bandeira destes temas, porque realmente non pode facer outra política, é a única forma que teñen de desgastar o presidente do ente provincial. O despilfarro e o nepotismo non poden estar nos titulares dos xornais nada máis. Hai que demostralo, e ata agora realmente se demostrou moito menos do que se fala.



Que lle responde aos que din que para ter un posto na Deputación hai que levar os carnés do PP ben visibles?

Eu non vou xustificar o da Deputación de Ourense poñendo exemplos doutras administracións nas que se fai o mesmo. Ante todo, as bases das oposicións da Deputación de Ourense empréganse noutros concellos e noutras institucións. Eu, o único que vexo neste tema é o acoso mediático a través dos medios, nos que se fala de despilfarro e nepotismo sen demostrar absolutamente nada. Existen uns tribunais de oposición que ninguén impugnou nin votou abaixo.



Con razón ou sen ela, o certo é que a Deputación sempre lanza unha imaxe un tanto negativa. Cre que isto pode afectar á visión de Ourense como marca?

Non cabe dúbida de que en Ourense a Deputación soa moito porque ten un presidente que está en boca de todos debido a que ten personalidade. Eu creo que a cidade de Ourense está nunha depresión. Dende que no 2007 chegou o bipartito non se fixo absolutamente nada: AVE, Consorcio de Termalismo, beiras do Miño… Nada. E aínda por enriba, se temos en conta que Ourense, provincia e cidade, está conformada maioritariamente por pensionistas, funcionarios e pequenos empresarios e autónomos, vemos que as políticas estatais repercuten especialmente na nosa cidade. Mentres, os da alcaldía quietiños a ver se escampa. E de que se fala? Pois da Deputación, claro. Porque temos un presidente que está por enriba da medianía dos políticos municipais que temos hoxe.


PSOE e BNG estanlle dando moita publicidade á idea de que dende Santiago Feijóo vaille pechar a billa presupostaria a Ourense para amolar os Baltar. Pensa que pode ser un obstáculo para a súa chegada a alcaldía?

É un tema moi manido. Que se diga que Feijoo marcha por unha parte e Baltar marcha por outra… Eu non o concibo. Como se lle vai pechar a billa a Ourense cando nos presupostos da Xunta deste ano estamos por enriba da Coruña e de Pontevedra no que lle corresponde a cada cidadán? E se vai repercutir en min… Pois mire, prefiro que repercuta en min persoalmente e non na formación para que poida acadar a alcaldía de Ourense.


Como está de preto o PP de volver a gobernar a Deputación?

A Deputación ten unha marxe de dous deputados. Nós, neste momento, sabemos onde temos que traballar para manter ou superar os resultados: na cidade e no distrito xudicial de Ourense. Alí é onde temos que esforzarnos máis. O problema é o de sempre: que o PP ten que gañar por maioría para gobernar. Os outros configuran un goberno de perdedores e os programas se meten no caixón.



Vostede ten unha ampla experiencia política, non obstante, o seu perfil semella que non é que máis encaixa coa “renovación” da que fala Feijóo...

Ben, experiencia teño, iso non se pode negar e pode ser visto como unha virtude. De todas formas, non escoitei esa crítica de se o meu era un perfil de renovación ou non por ter ocupado diversos cargos no pasado.


Que pode aportar vostede máis que Enrique Nóvoa ‘Poly’ á hora de tratar de alcanzar a alcaldía de Ourense?

Eu non creo que vaia aportar máis ou menos que Poly; non é unha cuestión de personalismos, é unha cuestión colectiva. Por que os órganos correspondentes do partido me elixiron a min e non a Poly? Ben, non hai que entrar niso. Por que entón hai tres anos elixiron a Poly e non a outro?

Cecais porque o anterior alcalde, Manuel Cabezas, deixouno xa moi ben enfocado...

Deixouno case enfocado si, pero iso non quere dicir que porque Cabezas renunciase tres ou catro meses antes a alcaldía Poly tivese que ser o candidato…


Como convencería a cidadanía de Ourense de que o ten que votar?

Eu poño a miña experiencia a disposición de toda a cidadanía de Ourense para que o programa electoral que se presente, que vai facerse segundo as suxestións de todas as persoas e colectivos se poña en práctica facendo políticas de proximidade, traballando humildemente e estando en contacto co cidadán. Non serei submiso nin condescendente cos Gobernos supramunicipais. E nunca lle mentirei á cidadanía.


É partidario da limitación de mandatos nos órganos administrativos?

A limitación de mandatos, que eu teño concibida para min, debería ser por lei. Eu aplícomo. E máis, algúns me dixeron estes días cantos anos estaría se saio alcalde. Por min non máis de oito anos, dúas lexislaturas. Pero ben, todo isto a nivel persoal.


Está considerado como un membro desa corrente é ourensanista e galeguista que hai dentro do PP...

Eu procedo de Coalición Galega. De feito, fun dos últimos en abandonala, no ano 91. Eu sigo pertencendo, e pertenzo aínda sentimentalmente e no meu ideario político, ao centro galeguista reformista. Alí estou situado. É o ideario que predica o noso presidente Alberto Núñez Feijóo: centro galeguista.


Cal é a súa visión do chamado conflito lingüístico?

Eu son partidario do galego, pero non do galego identitario, se non do galego como feito cultural, como ferramenta de entendemento entre os galegos. O que non entendo é o galego como confrontación. Eu só sabía galego cando me levaron aos once anos de Salvaterra para Vigo, e recordo que me dicían que era un aldeán por non saber castelán. Polo tanto, eu son un defensor do galego, pero non quero impoñer o idioma, precisamente porque eu xa sei o que é que te impoñan unha lingua, no meu caso o castelán. Eu aplícome o de “falo galego cando quero y hablo castellano cuando me da la gana”.


Cal é a súa postura sobre a reforma estatutaria e o feito de que se poida incluír ou non o termo nación?

Recordo a Beiras dicir que o Estatuto actual podía dar moito máis de si. Eu penso que aínda non se explotou en toda a súa extensión. Vainos traer un maior benestar un novo Estatuto? Pode ser que si, pero en todo caso, hoxe existen outras prioridades. E despois está o de nazón, nación ou non nación. Se non vai ter ningún efecto xurídico, nin vertente xurídica algunha, para que se quere incluír ese termo? Que significa ese sucedáneo que di o PSOE de “nación de Breogán”? Por que interesa? Se o Constitucional di que o termo nación non é válido xuridicamente, por que queremos metelo nós? O que si que concibo é a Galicia igual que outras comunidades autónomas, pero como unha comunidade histórica, xa totalmente contemplada. Polo tanto, eu quero un Estatuto que nos repercuta en positivo e non quero un Estatuto que traia confrontación co resto do Estado. Que se fale entre os tres grandes partidos representativos da comunidade autónoma para chegar a un acordo amplo e qué se deixen de personalismos e de terminoloxía que non teñen valor.


Que pensa da fusión de concellos como saída a esta crise?

Como alcalde, penso que a fusión dos concellos trae moitos problemas. Non é fácil, sobre todo en Galicia, onde está moi arraigado o territorio propio. En Galicia cada parroquia quere o seu pavillón deportivo, a súa piscina, ata quere o seu colexio ou o seu centro médico. Polo tanto, eliminar a terminoloxía, fusionar concellos… é algo moi perigoso. Eu creo que existen fórmulas alternativas e que eu xa din a coñecer, coma compartir servizos, o que potenciaría o papel das deputacións, sobre todo nos concellos rurais. Sabemos que a cuestión non está tanto no número de habitantes senón en que son deficitarios e teñen graves problemas económicos, sobre todo en Galicia pola dispersión e polo envellecemento.


O último alcalde do PP en Ourense foi Manuel Cabezas. Que diferenzas e que afinidades poden ver os ourensáns entre vostede e el?

O que está claro é que hai un Ourense antes e despois de Manolo Cabezas. Manolo é o alcalde referente que teñen hoxe os ourensáns como modelo. Non só por gañar tres maiorías absolutas consecutivas, senón porque levou a cabo a primeira grande transformación da cidade. Antes del, Ourense vivía e costas ao río, algo impensable hoxe. Todo o mundo, o primeiro que che dicía hai anos era “vou ás Burgas”. Hoxe hai moito máis que as Burgas, e iso é todo responsabilidade de Cabezas. Eu quero levar a cabo a segunda transformación, pero cada un coa súa personalidade, ideas e obxectivos.


Como ve a presencia da Universidade en Ourense?

Non estou moi metido na Universidade, pero creo que os ourensáns están satisfeitos coa oferta que se fai nela. Supuxo un acercar o coñecemento e a investigación aos cidadáns. E iso sempre e bo. Non cabe dúbida de que o noso campus foi un impulso importante para Ourense. A respecto do seu financiamento… Todos queremos máis, pero os recursos son os que son. Habería que racionalizar a Universidade e plantexarse si neste país teñen cabida tres universidades, porque son tres administracións que hai que xestionar con moi pouco presuposto. Pero, repito, non cabe dúbida de que a Universidade tivo un efecto dinamizador moi positivo sobre a cidade

16 jul 2010

A DEPUTACIÓN OFRECE MEDIO MILLÓN DE EUROS EN AXUDAS PARA ABRIR OU AMPLIAR COMERCIOS NA PROVINCIA

* O BARCO, A RÚA E VIANA DISPORÁN DE 215.000€
A Deputación de Ourense fixou como un dos principais obxectivos de actuación ó longo de 2009 potencia-lo desenvolvemento rural e urbano dos concellos da provincia, a través de actuacións económicas, tecnolóxicas e medioambientais que favorezan a competitividade e melloren o benestar e a calidade de vida dos cidadáns.
En total, máis de 140.000 persoas da provincia son as beneficiarias das obras e servizos que se realizarán no marco dos proxectos ¨Arraiano¨, ¨Delorur¨ e ¨Terras do Avia¨.
A institución provincial puxo en marcha, co cofinanciamento dos fondos europeos, estes proxectos, que abranguen unha serie de actuacións dirixidas ós concellos de Ourense, encamiñadas a crear emprego, mellora-las infraestruturas, aumenta-la calidade medioambiental, mellora-la accesibilidade e preserva-lo patrimonio cultural.
Dentro do ámbito dedicado á promoción económica, a Deputación de Ourense convoca unha liña de axudas para a posta en funcionamento, mellora ou ampliación de comercios de venda polo miúdo nas vilas do ámbito xeográfico dos tres proxectos.
No caso do proxecto ¨Arraiano¨, as vilas de Xinzo e Verín, no caso do ¨Delorur¨, as vilas do Barco, A Rúa e Viana do Bolo, e no caso do proxecto ¨Terras do Avia¨, as vilas de Ribadavia e O Carballiño.
A boa acollida destas axudas por parte do pequeno comercio local no ano 2009, fixo que a Deputación convoque no ano 2010 unha nova oferta de axudas encamiñadas a apoia-lo comercio de proximidade. Nesta ocasión destínase preto de medio millón de euros para esta liña de apoio ao pequeno comercio.
As actuacións teñen como obxectivo os seguintes gastos subvencionables:
Obras de construción, adaptación, mellora, reforma ou ampliación de locais para o desenvolvemento de actividades comerciais.· Adquisición e instalación de equipamentos específicos para o desenvolvemento da actividade, tales como o mobiliario, decoración, pintura ou escaparates, adquisición de software para a xestión comercial, de equipos informáticos e telemáticos propios para a actividade, adquisición de caixas rexistradoras, terminais puntos de venda e lectores de códigos, sistemas de medición e peso, sistemas de etiquetaxe e sistemas antirroubo incorporados ó produto e calquera outro equipamento que teña encaixe nesta convocatoria.
Beneficiarios:Poderán ser beneficiarios destas axudas aquelas persoas físicas e xurídicas titulares de comercios de venda polo miúdo que presenten as súas solicitudes axustándose ás bases da presente convocatoria e cuxo proxecto sexa considerado viable dende o punto de vista técnico, financeiro e económico.
Axudas: A contía das subvencións obxecto da presente convocatoria consistirá nunha porcentaxe do orzamento do proxecto presentado polo solicitante, non podendo superar, en ningún caso, as seguintes contías máximas para cada beneficiario: No caso de solicitudes para gastos de obras: 10.000 €. No caso de solicitudes para gastos en equipamiento: 3.000 €Ditos límites cuantitativos operarán de modo independiente para cada clase de gasto de maneira que os solicitantes de subvención para a realización de obras e equipamento, poderán obter subvención por contía máxima de 13.000 € (hasta 10.000 € por obras e ata 3.000 € por equipamento).
Os importes por programa son os seguintes: DELORUR: 215.006,18 € TERRAS DO AVIA: 165.194,90 € ARRAIANO: 92.361,04 €
Prazo: O prazo para a presentación das solicitudes estará aberto ata o día 16 de agosto de 2010.
Máis información:Para máis información os interesados poden ve-las bases das axudas no BOP do día 14 de xullo de 2010, ou na web www.depourense.es , ou informarse no teléfono: 988 011 446.Estes proxectos están cofinanciados nun 70% a través de axuda do FEDER, no Eixo 5 de Desenvolvemento Local e Urbano, durante o período 2007-2013.

15 jul 2010

NUEVA WEB DEL PP DE O BARCO



Ayer se celebró la primera reunión del nuevo Comité Ejecutivo del PP de O Barco en la que, entre otras cosas, se presentó la Pag. Web del partido.
Para más información visita: http://www.ppobarco.es/

13 jul 2010

EN RECUERDO DE OLGA GUILLOT...

A cantante cubana, Olga Guillot, considerada unha das figuras mundiais máis destacadas do bolero, faleceu o pasado luns nun hospital de Miami a consecuencia dun infarto, tal e como informou o diario local El Nuevo Herald.

A cantante, nacida en 1922 en Santiago de Cuba, converteuse na década de 1950 nunha destacada figura da canción en Cuba, aínda que o seu descontento co Goberno de Fidel Casto levouna a exiliarse en 1960 en Venezuela.
Pouco despois trasladouse a México, onde viviu o resto da súa vida e fixo incursións no cine xunto a algúns dos máis destacados actores mexicanos de mediados de século.

Coñecida polas súas interpretacións de temas como Tú me acostumbraste, La gloria eres tú, Lágrimas negras, Siboney e o que era considerado o seu himno, Miénteme.

Querida Olga: "Tú nos acostumbraste" a disfrutar da túa voz!

A DEPUTACIÓN DESTINA 100.000€ PARA A CONSERVACIÓN DO PATRIMONIO ETNOGRÁFICO EN VALDEORRAS E VIANA

A Deputación provincial de Ourense publicou onte no BOP a convocatoria de axudas para a conservación e rehabilitación do patrimonio etnográfico, no marco dos proxectos “Arraiano”,“Terras do Avia” e “Delorur”. A institución provincial fixou como un dos principais obxectivos de actuación potenciar o desenvolvemento rural e urbano dos concellos da provincia, a través de actuacións económicas, tecnolóxicas e medioambientais que favorezan a competitividade e melloren o benestar e a calidade de vida dos cidadáns.

A intención da Deputación de Ourense ao convocar estas axudas é a protección, conservación, así como a posta en valor dos numerosos bens do patrimonio etnográfico (moitos deles nun pésimo estado de conservación), co fin de evitar a súa perda para sempre, co dano irreparable que iso suporía para o patrimonio cultural e, por ende, turístico, de toda a comarca de Valdeorras e Viana.

Os concellos que comprenden a áreas de actuación do proxecto Delorur son: O Barco de Valdeorras, O Bolo, Carballeda de Valdeorras, Larouco, Petín, A Rúa, Rubiá, A Veiga e Vilamartín de Valdeorras, A Gudiña, A Mezquita, Viana do Bolo e Vilariño de Conso.
Os investimentos que se realizarán terán, en principio, carácter de obras de limpeza, consolidación, conservación e rehabilitación das construcións, instalacións e do seu contorno, e desenvolverán unha política de promoción da cultura e da paisaxe nas áreas xeográficas dos proxectos. Os bens e instalacións de arquitectura tradicional e etnográfica sobre os que se poderá actuar son: cruceiros, petos de ánimas, hórreos, muíños, fornos, pombais, palleiras, alpendres, adegas, prensas, fontes, lavadoiros, pozos, canais, sistemas hidráulicos, e outros de carácter similar.
O orzamento adicado son 100.000€, que se distribuirán en axudas que se percibirán por unha soa vez por beneficiario e ben inmoble, cun importe máximo de 4.000 euros por actuación (máxima porcentaxe da subvención: 75%).

Poderán ser beneficiarios destas axudas as persoas físicas, as comunidades de bens e persoas xurídicas con ou sen ánimo de lucro que sexan propietarias, posuidoras ou titulares de dereitos reais, con consentimento do titular da propiedade. No caso de bens inmobles de titularidade veciñal ou comunal poderán ostentar a condición de beneficiarios as agrupacións sen personalidade xurídica constituídas, polo menos, por tres persoas maiores de idade.

O prazo para a presentación das solicitudes estará aberto ata o día 9 de agosto de 2010. Para máis información os interesados poden consultar as bases das axudas no BOP do día 7 de xullo de 2010, ou na web www.depourense.es, ou informarse no teléfono: 988 011 446.

A Deputación puxo en marcha estes proxectos, cofinanciados a través do programa FEDER, encamiñadas a crear emprego, fomentar o turismo, mellorar as infraestruturas, aumentar a calidade medioambiental, mellorar a accesibilidade e preservar o patrimonio cultural.

8 jul 2010

OURENSÁN....por Fernando R. Méndez

Como homenaje a un buen amigo que compuso e interpretó esta canción con mucho sentimiento. Con el sentimiento de quien hace bandera de Ourense allá por donde va. Con el sentimiento de quien se siente ourensano por los cuatro costados.

Enhorabuena Fernando!

Atentos, porque esta canción puede dar que hablar mucho en un futuro próximo!

7 jul 2010

COS VECIN@S DO CASCO VELLO DO BARCO

Tal e como prometín fai dous días na celebración do Congreso Local, o PP de O Barco iniciou a campaña de recollida de propostas que levará a cabo en todos os barrios e núcleos rurais do Barco. A primeira visita foi ao Casco Vello, na tarde do luns, onde acompañado de varios membros do novo equipo recollimos as inquedanzas e suxestións dos veciños e veciñas de este barrio tan emblemático.


Entre as deficiencias que nos trasladaron os veciños figuran a suciedade e a pouca limpeza das rúas do casco vello, coa presenza case que diaria de excrementos de animais; a escasa iluminación, e o deterioro e o avellentamento progresivo de varias vivendas e zonas do casco. Tamén pediron solucións a unha das principais demandas dos residentes e os donos de locais comerciais como é a necesidade de poder seguir aparcando na rúa Real e a regulación do tráfico.

Comprometímosnos cos veciños a trasladar estas demandas ao grupo de goberno socialista, a través de distintas iniciativas políticas que presentará no concello. Así mesmo, asegurámoslles que seguiremos insistindo e pedíndolle ao alcalde que é necesario manter a convivencia entre os vehículos e os peóns, garantindo a seguridade e a circulación da mellor maneira posible mentres o concello non solucione o problemas de aparcamento".

Tamén lle recordamos os veciños que o Partido Popular presentara fai dou anos unha moción no concello solicitando un plan de apoio a peonalización do casco vello, e que esta fora rexeitada polo alcalde socialista. "Levamos dous anos perdidos, no que se produciron danos irreparables no patrimonio histórico así como nas economías dos locais comercias que sufriron importantes perdas por mor dos retrasos e a mala planificación das obras no barrio".

Como naquela moción, seguimos defendendo que "antes de tomar algunha medida drástica en canto a regulación do tráfico e os estacionamentos, hai que implementar diversas accións e ter en conta a opinión dos veciños, como a construción do aparcamento soterrado, contemplado no Plan Especial de Reforma do Casco Vello, que ten que ser unha premisa fundamental, posto que sería unha boa solución a un dos principais problemas". Tamén habería que explicarlles aos veciños como será a xestión do aparcamento, si terá prazas en propiedade (concesión), prazas para a rotación ou o aluguer.

Así mesmo, consideramos esencial "o impulso da actividade comercial a través da concesión de axudas que permitan a modernización e mellora dos locais comercias. Subvencións que puideran favorecer o aluguer dos baixos comerciais baleiros ou apertura de novos negocios con xóvenes emprendedores".

E para elo defendemos a idea de "conformar unha mesa de traballo con representantes políticos, veciñais e do comercio para a elaboración dun plan de apoio a peonalización".

5 jul 2010

De todo corazón, GRACIAS!

Así terminaba mi intervención en la clausura del Congreso Local del PP de O Barco en donde resulté elegido presidente con el apoyo del 100% de 173 votantes, y una participación del 84%.
Gracias a todos por vuestra confianza.

Ahora toca trabajar duramente, con rigor y claridad de ideas. Con ilusión y cercanía, porque O Barco tiene grandes retos por delante y desde el Partido Popular tenemos que esta
r a la altura de las responsabilidades para ofrecer un proyecto real y viable.
Porque O Barco lo necesita, porque O Barco se lo merece!
Os dejo aquí varios enlaces de lo recogido por los medios de comunicación:

La Voz de Galicia